ប្រែសម្រួល៖តារា

ស៊ីដនី៖ លោក នាយករដ្ឋមន្ត្រី Li Qiang បានប្រកាសនៅថ្ងៃអាទិត្យ ទី១៦ មិថុនានេះថាប្រទេសចិននឹងខ្ចីពូជខ្លាឃ្មុំយក្សប្រភេទថ្មី “ដ៏គួរឲ្យស្រលាញ់” របស់អូស្ត្រាលី ដើម្បីដាក់ជាមួយខ្លាឃ្មុំផេនដាដែលនៅចាំកន្លែងមិនដែលបានបង្កើតកូនចៅអស់រយៈពេលជាងមួយទសវត្សរ៍ឲ្យរស់នៅជាមួយគ្នា។

សួនសត្វ Adelaide គឺជាផ្ទះរបស់ Wang Wang និង Fu Ni តាំងពីឆ្នាំ ២០០៩ នៅពេលដែលពួកគេត្រូវបានផ្តល់កម្ចីដោយប្រទេសចិន ជាផ្នែកនៃគម្រោងអភិរក្សសកល ដែលជាផ្នែកមួយនៃ “ការទូតខ្លាឃ្មុំផេនដា” ផងដែរ។

ការបង្កាត់ពូជកូនខ្លាឃ្មុំផេនដាគឺជាកិច្ចការដ៏លំបាកមួយហើយក្តីសង្ឃឹមថានឹងមានផ្ទៃពោះតាមរយ:ការបង្កាត់ពូជសិប្បនិម្មិតត្រូវបានធ្លាក់ចុះម្តងហើយម្តងទៀត។

លោកនាយករដ្ឋមន្ត្រីបាននិយាយថា “Wang Wang និង Fu Ni បានចាកចេញពីផ្ទះអស់រយៈពេល ១៥ ឆ្នាំ ខ្ញុំគិតថាពួកគេប្រាកដជានឹកផ្ទះខ្លាំងណាស់ ដូច្នេះពួកគេនឹងត្រឡប់មកប្រទេសចិនវិញនៅមុនដំណាច់ឆ្នាំនេះ” ។

“ប៉ុន្តែអ្វីដែលខ្ញុំអាចប្រាប់អ្នកបាននោះគឺថា ពួកយើងនឹងផ្តល់នូវខ្លាឃ្មុំផេនដាដ៏ស្រស់ស្អាតដ៏គួរឲ្យស្រលាញ់មួយគូថ្មីឲ្យបានឆាប់តាមដែលអាចធ្វើទៅបាន”។

លោក Li ដែលបានចុះចតនៅទីក្រុង Adelaide កាលពីថ្ងៃសៅរ៍ក្នុងដំណើរកម្សាន្តរយៈពេល ៤ ថ្ងៃបន្ទាប់ពីទីក្រុងប៉េកាំងបានដកទណ្ឌកម្មពាណិជ្ជកម្មលើការនាំចេញសំខាន់ៗរបស់អូស្ត្រាលីបាននិយាយថា ប្រទេសចិននឹងផ្តល់ឲ្យអូស្ត្រាលីនូវការជ្រើសរើសពីរ។

សេចក្តីប្រកាសនេះកើតឡើងដោយសារតែមានកិច្ចខិតខំប្រឹងប្រែងរបស់រដ្ឋមន្ត្រីការបរទេសអូស្ត្រាលី អ្នកស្រី Penny Wong ក្នុងការរក្សាស្ថិរភាពទំនាក់ទំនងរបស់អូស្ត្រាលីជាមួយប្រទេសចិន បន្ទាប់ពីមានជម្លោះការទូតជាមួយអតីតរដ្ឋាភិបាលអភិរក្សនិយម។

លោក Li បាននិយាយថា គាត់ចាំបានថា រដ្ឋមន្ត្រីការបរទេសអូស្ត្រាលីបានរំលឹកគាត់ពីរដងក្នុងអំឡុងពេលទស្សនកិច្ចទៅកាន់ទីក្រុងប៉េកាំងកាលពីខែវិច្ឆិកាឆ្នាំមុនថា កិច្ចព្រមព្រៀងខ្ចីខ្លាឃ្មុំផេនដានឹងផុតកំណត់នៅចុងឆ្នាំនេះ។

លោក​បាន​ថ្លែង​ថា​៖ “យើង​បាន​ដឹងអំពីរឿងនេះ​។

Adelaide គឺជាស្រុកកំណើតរបស់អ្នកស្រី Wong ហើយគាត់បាននិយាយថាកូន ៗ របស់គាត់ “រីករាយណាស់” នៅពេលឮដំណឹងនេះ។

អ្នកស្រីបាននិយាយថា “វាល្អសម្រាប់សេដ្ឋកិច្ច វាល្អសម្រាប់ការងារនៅអូស្ត្រាលីខាងត្បូង វាល្អសម្រាប់ទេសចរណ៍ ហើយវាជានិមិត្តសញ្ញានៃសុច្ឆន្ទៈ ហើយយើងសូមអរគុណ” ។

យោងតាមក្រុមបរិស្ថាន WWF បានឲ្យដឹងថា មានខ្លាឃ្មុំផេនដាយក្សចំនួន ១,៨៦០ ក្បាលទុកចោលនៅក្នុងព្រៃ។

ប៉ុន្តែសត្វដែលត្រូវបានដកចេញពីបញ្ជីរបស់សហភាពអន្តរជាតិសម្រាប់ការអភិរក្សនៃប្រភេទសត្វដែលជិតផុតពូជនៅឆ្នាំ ២០១៦ នៅតែប្រឈមមុខនឹងការគំរាមកំហែងយ៉ាងធ្ងន់ធ្ងរពីការបាត់បង់ទីជម្រក និងការបែកបាក់សមាជិកគ្រួសាររបស់ពួកវា៕

ប្រភព៖ AFP/kg